naa to kaaravaa.n kii talaash hai


Song Title: naa to kaaravaa.n kii talaash hai
Movie Name: Barsaat Ki Raat
Actor(s)/Actress(es): Bharat Bhushan, Madhubala
Singer(s): Mohammad Rafi, Manna Dey, Asha Bhonsle, Batish, Sudha Malhotra
Music Director(s): Roshan
Lyricist(s): Sahir Ludhianvi
Category(ies): Qawwalis


Go to Slow-DEVNAGRI Go to Fast-DEVNAGRI (Xdvng) Go back to Index
%
% Contributor:  
% Transliterator:  
% Credits: Pratap Khedkar (khedkar@merak.crd.ge.com)
% Editor: Anurag Shankar (anurag@astro.indiana.edu)
%
%
naa to kaaravaa.N kii talaash hai, naa to hamasafar kii talaash hai
mere shauq-e-khaanaa kharaab ko, terii rahaguzar kii talaash hai

mere naamuraad junuun kaa hai ilaaj koI to maut hai
jo davaa ke naam pe zahar de usii chaaraagar kii talaash hai

teraa ishq hai merii aarazuu, teraa ishq hai merii aabaruu
dil ishq jism ishq hai aur jaan ishq hai
Imaan kii jo puuchho to Imaan ishq hai
teraa ishq hai merii aarazuu, teraa ishq hai merii aabaruu,
teraa ishq mai.n kaise chho.D duu.N, merii umra bhar kii talaash hai

ishq ishq teraa ishq ishq ...

ye ishq ishq hai ishq ishq,  ye ishq ishq hai ishq ishq

jaa.Nsoz kii haalat ko jaa.Nsoz hii samajhegaa
mai.n shamaa se kahataa huu.N mahafil se nahii.n kahataa kyo.nki
ye ishq ishq hai ishq ishq,  ye ishq ishq hai ishq ishq

sahar tak sabakaa hai a.njaam jal kar khaak ho jaanaa,
bharii mahafil me.n koI shammaa yaa paravaanaa ho jAe kyo.nki
ye ishq ishq hai ishq ishq,  ye ishq ishq hai ishq ishq

vahashat-e-dil rasm-o-diidaar se rokii naa gaI
kisii kha.njar, kisii talavaar se rokii naa gaI
ishq majanuu kii vo aavaaz hai jisake aage
koI lailaa kisii diivaar se rokii naa gaI, kyo.nki
ye ishq ishq hai ishq ishq,  ye ishq ishq hai ishq ishq

vo ha.Nsake agar maa.Nge.n to ham jaan bhii dede.n,
haa.N ye jaan to kyaa chiiz hai Imaan bhii dede.n kyo.nki
ye ishq ishq hai ishq ishq,  ye ishq ishq hai ishq ishq

naaz-o-a.ndaaz se kahate hai.n ki jiinaa hogaa,
zahar bhii dete hai.n to kahate hai.n ki piinaa hogaa
jab mai.n piitaa huu.N to kahate.n hai ki marataa bhii nahii.n,
jab mai.n marataa huu.N to kahate hai.n ki jiinaa hogaa
ye ishq ishq hai ishq ishq,  ye ishq ishq hai ishq ishq

mazahab-e-ishq kii har rasm ka.Dii hotii hai,
har kadam par koI diivaar kha.Dii hotii hai
ishq aazaad hai, hi.nduu naa musalamaan hai ishq,
aap hii dhama.r hai aur aap hii Imaan hai ishq
jisase aagaah nahii shekh-o-barahaaman dono,
us haqiiqat kaa garajataa huA ailaan hai ishq

ishq naa puchchhe diin dharam nuu, ishq naa puchchhe jaataa.N
ishq de haatho.n garam lahuu vich, Dubiyaa.n lakh baraataa.N   
ke ... de ishq	
ye ishq ishq hai ishq ishq,  ye ishq ishq hai ishq ishq

raah ulfat kii kaThin hai ise aasaa.N naa samajh
ye ishq ishq hai ishq ishq,  ye ishq ishq hai ishq ishq

bahut kaThin hai Dagar panaghaT kii
ab kyaa bhar lAU.N mai jamunaa se maTakii
mai jo chalii jal jamunaa bharan ko
dekho sakhii jii mai jo chalii jal jamunaa bharan ko
na.ndakishor mohe roke jhaa.Do.n to
kyaa bhar lAU.N mai jamunaa se maTakii
ab laaj raakho more ghuu.nghaT paT kii

jab jab kR^ishhN kii ba.nsii baajii, nikalii raadhaa saj ke
jaan ajaan kaa maan bhulaa ke, lok laaj ko taj ke
janak dulaarii ban ban Dolii, pahan ke prem kii maalaa
dasha.rn jal kii pyaasii miiraa pii gaI vishh kaa pyaalaa
aur phir araj karii ke
laaj raakho raakho raakho, laaj raakho dekho dekho, 
laaj raakho raakho, he he he, 
laaj raakho raakho, he he he, 
laaj raakho raakho
ye ishq ishq hai ishq ishq,  ye ishq ishq hai ishq ishq

allaah rasuul kaa faramaan ishq hai
yaane hafiiz ishq hai, quraan ishq hai
gautam kaa aur masiih kaa aramaan ishq hai
ye kaayanaat jism hai aur jaan ishq hai
ishq saramad, ishq hii ma.nsuur hai
ishq muusaa, ishq koh-e-nuur hai
Kaaq ko but, aur but ko devataa karataa hai ishq
intahaa ye hai ke ba.nde ko Kudaa karataa hai ishq

haa.N ishq ishq teraa ishq ishq
teraa ishq ishq, ishq ishq ...
%


This site is maintained by Navin Kabra. Please send comments and suggestions to
The ITRANS Song Book is maintained by Anurag Shankar and a team of volunteers. Please send new songs, corrections etc to .