kahii.n ek maasuum naazuk sii la.Dakii


Song Title: kahii.n ek maasuum naazuk sii la.Dakii
Movie Name: Shankar Hussain
Actor(s)/Actress(es): Madhuchanda, Kanwaljeet, Suhail, Madhumalini
Singer(s): Mohammad Rafi
Music Director(s): Khaiyyam
Lyricist(s): Kamal Amrohi
Category(ies):


Go to Slow-DEVNAGRI Go to Fast-DEVNAGRI (Xdvng) Go back to Index
%
% Contributor:  
% Transliterator: Avinash Chopde (avinash@acm.org)
% Credits: C. S. Sudarshana Bhat (cesaa129@utacnvx.uta.edu)
%          Venkatasubramanian K Gopalakrishnan (gopala@cs.wisc.edu)
%          Preetham Gopalaswamy (preetham@src.umd.edu)
%          Rajiv Shridhar (rajiv@hendrix.coe.neu.edu)
% Editor: Anurag Shankar (anurag@astro.indiana.edu)
%
%
kahii.n ek maasuum naazuk sii la.Dakii
bahut khuubasuurat magar saa.nvalii sii

mujhe apane Kvaabo.n kii baaho.n me.n paakar
kabhii nii.nd me.n muskuraatii to hogii
usii nii.nd me.n kasamasaa-kasamasaakar
saraahane se takiye giraatii to hogii

vahii Kvaab din ke mu.nDero.n pe aake
use man hii man me.n lubhaate to ho.nge
ka_ii saaz siine kii khaamoshiyo.n me.n
merii yaad me.n jhanajhanaate to ho.nge
vo besaakhtaa dhiime-dhiime suro.n me.n
merii dhun me.n kuchh gunagunaatii to hogii

chalo khat likhe.n jii me.n aataa to hogaa
magar u.ngaliyaa.n ka.Np-ka.Npaatii to ho.ngii
kalam haath se chhuuT jaataa to hogaa
uma.nge.n kalam phir uThaatii to ho.ngii
meraa naam apanii kitaabo.n pe likhakar
vo daa.nto.n me.n u.Ngalii dabaatii to hogii

zubaa.N se kabhii uf nikalatii to hogii
badan dhiime-dhiime sulagataa to hogaa
kahii.n ke kahii.n paa.nv pa.Date to ho.nge
zamii.n par dupaTTaa laTakataa to hogaa
kabhii subah ko shaam kahatii to hogii
kabhii raat ko din bataatii to hogii
%


This site is maintained by Navin Kabra. Please send comments and suggestions to
The ITRANS Song Book is maintained by Anurag Shankar and a team of volunteers. Please send new songs, corrections etc to .