% % Contributor: Ashok M. Dhareshwar (ADhareshwar@WorldBank.org) % Transliterator: Ashok M. Dhareshwar (ADhareshwar@WorldBank.org) % Editor: Anurag Shankar (anurag@chandra.astro.indiana.edu) % Comments: Surprisingly rare for a song from Taj Mahal. Anti-war theme. % % khudaa-e-bartar terii zamii.n par, zamii.n kii khaatir ye ja.ng kyo.n hai har ek fatah-o-zafar ke daaman pe khUn-e-iinsaa.n kaa ra.ng kyo.n hai khudaa-e-bartar ... zamii.n bhii terii, hai.n ham bhii tere, ye milkiyat kaa savaal kyaa hai ye katl-o-Kuu.N kaa rivaaz kyo.n hai, ye rasm-e-ja.ng-o-jadaal kyaa hai jinhe talab hai jahaan bhar kii, unhii kaa dil itanaa ta.ng kyo.n hai khudaa-e-bartar ... Gariib maa.No shariif behano.n ko amn-o-izzat kii zi.ndagii de jinhe ataa kii hai tU ne taaqat, unhe hidaayat kii roshanii de saro.n me.n kibr-o-Guruur kyo.n hai.n, dilo.n ke shiishe pe za.ng kyo.n hai khudaa-e-bartar ... Kazaa ke raste pe jaanevaalo.n ko bach ke aane kii raah denaa dilo.n ke gulashan uja.D na jaae, muhabbato.n ko panaah denaa jahaa.N me.n jashn-e-vafaa ke badale, ye jashn-e-tiir-o-tafa.ng kyo.n hai khudaa-e-bartar ... khudaa-e-bartar terii zamii.n par, zamii.n kii khaatir ye ja.ng kyo.n hai har ek fatah-o-zafar ke daaman pe khUn-e-insaa.n kaa ra.ng kyo.n hai khudaa-e-bartar ... %
This site is maintained by
Navin Kabra. Please send comments and suggestions to
The ITRANS Song Book is maintained by
Anurag Shankar
and a
team
of volunteers.
Please send new songs, corrections etc to
.