pattaa pattaa buuTaa buuTaa, haal hamaaraa jaane hai


Song Title: pattaa pattaa buuTaa buuTaa, haal hamaaraa jaane hai
Movie Name: Ek Nazar
Actor(s)/Actress(es): Amitabh Bachchan, Jaya Bhaduri
Singer(s): Mohammad Rafi, Lata Mangeshkar
Music Director(s):
Lyricist(s):
Category(ies):


Go to Slow-DEVNAGRI Go to Fast-DEVNAGRI (Xdvng) Go back to Index
%
% Contributor:  
% Transliterator: Venkatasubramanian K Gopalakrishnan (gopala@cs.wisc.edu)
% Credits: C. S. Sudarshana Bhat (cesaa129@utacnvx.uta.edu)
% Editor:  
%
%
pattaa pattaa buuTaa buuTaa
haal hamaaraa jaane hai, pattaa pattaa...
jaane na jaane gul hii na jaane
baag to saaraa jaane hai, pattaa pattaa...

koii kisii ko chaahe, to kyuu.n gunaah samajhate hai.n log
koii kisii kii khaatir, tarase agar to ha.Nsate hai.n log
begaanaa aalam hai saaraa, yahaa.N to koii hamaaraa
dard nahii.n pahachaane hai, pattaa pattaa...

chaahat ke gul khile.nge, chalatii rahe hazaar aa.Ndhiyaa.N
ham to kisii chaman me.n, baa.Ndhe.nge pyaar kaa aashiyaa.N
ye duniyaa bijalii giraae, ye duniyaa kaa.NTe bichhaae
ishq magar kab maane hai, pattaa pattaa...

dikhalaae.nge jahaa.N ko, kuchh din jo zindagaanii hai aur
kaise na ham mile.nge, hamane bhii dil me.n Thaanii hai aur
abhii matavaale dilo.n kii, muhabbat vaale dilo.n kii
baat koii kyaa jaane hai, pattaa pattaa...
%


This site is maintained by Navin Kabra. Please send comments and suggestions to
The ITRANS Song Book is maintained by Anurag Shankar and a team of volunteers. Please send new songs, corrections etc to .