chaa.Ndanii raate.n

Song Title: chaa.Ndanii raate.n
Movie Name: Dopatta
Actor(s)/Actress(es):
Singer(s): Noorjahan
Music Director(s): Firoz Nizami
Lyricist(s): Munshir Kazmi
Category(ies):

Go to Slow-DEVNAGRI Go back to Index

% 
% Contributor: Pavan Kumar Desikan 
% Transliterator: Pavan Kumar Desikan 
% Editor: Rajiv Shridhar 
% Date: 11/03/1996
% Comments: Producer - Film Asia
%
%
ek diip jigar me.n bujhatii hai
ik dard saa dil me.n hotaa hai
ham raato.n ko uThakar rote hai.n
jab saara aalam sotaa hai
 
chaa.Ndanii raate.n, o, chaa.Ndanii raate.n
sab jag soye, ham jaage,
taaro.n se kare.n baate.n
chaa.Ndanii raate.n, o, chaa.Ndanii raate.n
 
thakatii thakatii chhuTii jaaye, 
aaj piyaa na aaye re, thakatii thakatii
shaam savere dard anokhe
uThe.n jiyaa ghabaraaye re, shaam savere
raato.n ne merii nii.nd luuT lii -2
dil kii chhain churaaye
dukhiyaa aa.Nkhe.n Dhuu.nDh rahii hai.n
vohii pyaar kii baate.n
chaa.Ndanii raate.n, o, chaa.Ndanii raate.n
 
pichhalii raat me.n Gam ko TuuTakar
chupake chupake roye re, pichhalii raat me.n
chupake nii.nd me.n miit hamaare
desh paraaye soye re, chupake nii.nd me.n
dil kii dha.Dakane.n tujhe pukaare.n -2
aajaa baalam aaI bahaare.n
baiTh ke tanahaaI me.n kar le
sukh-dukh kii do baate.n
chaa.Ndanii raate.n, o, chaa.Ndanii raate.n
 
sab jag soye, ham jaage,
taaro.n se kare baate.n
chaa.Ndanii raate.n, o, chaa.Ndanii raate.n
%

This site is maintained by Navin Kabra. Please send comments and suggestions to
The ITRANS Song Book is maintained by Anurag Shankar and a team of volunteers. Please send new songs, corrections etc to .