%
% Contributor:
% Transliterator: Avinash Chopde (avinash@acm.org)
% Credits: rec.music.indian.misc (USENET newsgroup)
% umesh garg (garg@happy.helios.nd.edu)
% C.S. Sudarshana Bhat (ceindian@utacnvx.uta.edu)
% Preetham Gopalaswamy (preetham@src.umd.edu)
% Editor: Anurag Shankar (anurag@astro.indiana.edu)
%
%
aao bachcho.n tumhe.n dikhaae.n jhaa.Nkii hi.ndustaan kii
is miTTii se tilak karo ye dharatii hai balidaan kii
va.nde maataram ...
uttar me.n rakhavaalii karataa parvataraaj viraaT hai
dakshiN me.n charaNo.n ko dhotaa saagar kaa samraaT hai
jamunaa jii ke taT ko dekho ga.ngaa kaa ye ghaaT hai
baaT-baaT pe haaT-haaT me.n yahaa.N niraalaa ThaaTh hai
dekho ye tasviire.n apane gaurav kii abhimaan kii,
is miTTii se ...
ye hai apanaa raajapuutaanaa naaz ise talavaaro.n pe
isane saaraa jiivan kaaTaa barachhii tiir kaTaaro.n pe
ye prataap kaa vatan palaa hai aazaadii ke naaro.n pe
kuud pa.Dii thii yahaa.N hazaaro.n pad{}miniyaa.N a.ngaaro.n pe
bol rahii hai kaN kaN se kurabaanii raajasthaan kii
dekho mulk maraaTho.n kaa ye yahaa.N shivaajii Dolaa thaa
muGalo.n kii taakat ko jisane talavaaro.n pe tolaa thaa
har paavat pe aag lagii thii har patthar ek sholaa thaa
bolii har-har mahaadev kii bachchaa-bachchaa bolaa thaa
yahaa.N shivaajii ne rakhii thii laaj hamaarii shaan kii
is miTTii se ...
jaliyaa.N vaalaa baag ye dekho yahaa.N chalii thii goliyaa.N
ye mat puuchho kisane khelii yahaa.N khuun kii holiyaa.N
ek taraf ba.nduuke.n dan dan ek taraf thii Toliyaa.N
maranevaale bol rahe the inaqalaab kii boliyaa.N
yahaa.N lagaa dii bahano.n ne bhii baajii apanii jaan kii
is miTTii se ...
ye dekho ba.ngaal yahaa.N kaa har chappaa hariyaalaa hai
yahaa.N kaa bachchaa-bachchaa apane desh pe maranevaalaa hai
Dhaalaa hai isako bijalii ne bhuuchaalo.n ne paalaa hai
muTThii me.n tuufaan ba.ndhaa hai aur praaN me.n jvaalaa hai
janmabhuumi hai yahii hamaare viir subhaashh mahaan kii
is miTTii se ...
%
This site is maintained by
Navin Kabra. Please send comments and suggestions to
The ITRANS Song Book is maintained by
Anurag Shankar
and a
team
of volunteers.
Please send new songs, corrections etc to
.