mai.n har ik pal kaa shaayar huu.N

Song Title: mai.n har ik pal kaa shaayar huu.N
Movie Name: Kabhi Kabhi
Actor(s)/Actress(es): Amitabh Bachchan, Shashi Kapoor, Rakhee, Rishi Kapoor, Waheeda Rehman, Neetu Singh
Singer(s): Mukesh
Music Director(s): Khaiyyam
Lyricist(s): Sahir Ludhianvi
Category(ies):

Go to Slow-DEVNAGRI Go back to Index

% 
% Contributor: Vijay Kumar Kottapalli 
% Transliterator: Rajiv Shridhar 
% Date: 04/15/1997
%
%
mai.n har ik pal kaa shaayar huu.N
har ik pal merii kahaanii hai
har ik pal merii hastii hai
har ik pal merii javaanii hai
mai.n har ik pal kaa shaayar huu.N

rishto.n kaa ruup badalataa hai, buniyaade.n khatm nahii.n hotii.n
Kvaabo.n aur uma.Ngo.n kii miyaade.n khatm nahii.n hotii.n
ik phuul me.n teraa ruup basaa, ik phuul me.n merii javaanii hai
ik cheharaa terii nishaanii hai, ik cheharaa merii nishaanii hai
mai.n har ik ...

tujhako mujhako jiivan amrit ab in haatho.n se piinaa hai
inakii dha.Dakan me.n basanaa hai, inakii saa.Nso.n me.n jiinaa hai
tuu apanii adaae.n baksh inhe.n, mai.n apanii vafaae.n detaa huu.N
jo apane lie sochii.n thii kabhii, vo saarii duaae.n detaa huu.N
mai.n har ik ...
%

This site is maintained by Navin Kabra. Please send comments and suggestions to
The ITRANS Song Book is maintained by Anurag Shankar and a team of volunteers. Please send new songs, corrections etc to .